कविता – बहुरङ्गी भेटिन्छन्
कोही बहुत
वजनदार भेटिन्छन्
कोही हलुङ्गा भेटिन्छन्
कोही त अझ
बेस्सरी बहुरङ्गी भेटिन्छन्
भेटी रहन्छन्
उस्तै उस्तै भेटी रहन्छन्
कतिबेला को भेटिन्छन्
कोही असाध्यै सोझा भेटिन्छन्
मनकारी भेटिन्छन्
दिलदार भेटिन्छन्
कहिलेकाही त आफ्नै भन्नेहरु भेटिन्छन्
हुन्छन् जन्ती जस्ता
छिनमै मलामी जस्ता भइ दिन्छन्
कोही त कतै नभेटिने पनि हुन्छन्
यस्तै यस्तै भेटिन्छन्
तर कोही कहिल्यै
नबिर्सिने हुन्छन्
अलिअलि गुन
अलिअलि बैगुन पठाउने
समय यात्रा हो
यात्रामा कोको भेटिन्छन्
भेटिन्छन् अनेक अनेक भेटिन्छन्
कोही छोडेर जाने भेटिन्छन्
कोही भेटिन्छन्
सँगसँगै
बहु रङ्गका भेटिन्छन्।।
दीर्घ बहादुर शाही ‘डोक्काघरे’
