कालिकोट । मान्मको ताडिमा मोटरसाइकल दुर्घटना हुँदा एक युवाको मृत्यु भएको छ । दुर्घटनामा कालिकोट जिल्लाको खाँडाचक्र नगरपालिका–३, ताडि बस्ने अन्दाजी ४० वर्षीय धनकृष्ण पाण्डेको मृत्यु भएको हो ।
अ.प्रहरि बिट ताडीका अनुसार आइतबार साँझ करिब ८ ३० बजे कर्णाली प्रदेश ०२००२ प ५८७६ नम्बरको मोटरसाइकल चालक ताडी बजार देखी घर जाने क्रममा तिला कर्णाली बहुमुखी क्याम्पस नजिकको तल्लो मोडमा दुर्घटना हुदाँ घाइते भएका पाण्डेलाई उपचारका लागी जिल्ला अस्पताल लगिएको हो ।
दुर्घटनाबाट घाइते भएका पाण्डेको उपचारको क्रममा जिल्ला अस्पतालमा असम्भव भए पछि थप उपचारका लागी प्रादेशिक अस्पताल सुखेत लैजादैँ गर्दा बाटोमा मृत्यु भएको जिल्ला प्रहरी कार्यालय कालिकोटले बताएको छ । पाण्डेको टाउकोमा गम्बिर चोट लागेको बताइयको छ ।
अहिले घटनाका सम्बन्धमा थप अनुसन्धान भइरहेको छ । उहाँको मूत्यु पछी गाँउ नै शोकमा डुबेको छ । उहाँ पाल्त महादेव सामुदायिक वन उपभोक्ता समिति अध्यक्ष तथा समाजसेवी एक साहसिक युवा हुनुहुन्थ्यो ।
