काठमाडौं । नेपाल आयल निगमले पेट्रोलियम पदार्थको मूल्य बढाएको छ । निगमले पेट्रोलमा १ रुपैयाँ र डिजेल र मट्टीतेलमा ४ रुपैयाँ मूल्य बढाएको हो ।
मंगलबार राति १२ बजेपछि लागू हुनेगरी पेट्रोल, डिजेल र मट्टितेलको मूल्य बढेको हो ।
नयाँ मूल्य अनुसार पहिलो वर्ग विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगञ्जमा भने पेट्रोलको नयाँ मूल्य १५६।५० रुपैयाँ प्रतिलिटर तोकिएको छ भने डिजेल र मट्टितेलको मूल्य प्रतिलिटर १४८।५० रुपैयाँ तोकिएको छ ।
त्यस्तै दोस्रो वर्ग सुर्खेत र दाङमा पेट्रोल प्रतिलिटर १५८ रुपैयाँ पुगेको छ भने डिजेल र मट्टितेल प्रतिलिटर १५० रुपैयाँ तोकिएको छ ।
तेस्रो वर्ग काठमाडौँ, पोखरा र दिपायलमा पेट्रोलको मूल्य १५९ रुपैयाँ पुगेको छ । तेस्तै डिजेल र मट्टितेलको मूल्य १५१ रुपैयाँ प्रतिलिटर पुगेको छ ।
