सुर्खेत । दैलेखमा ट्रक र मोटरसाइकल एकआपसमा ठोक्किँदा एक जनाको मृत्यु भएको छ। मृत्यु हुनेमा चामुण्डाविन्द्रासैनी नगरपालिका–३ का ५५ वर्षीय कृष्णकुमार आचार्य रहेका छन्।
आइतबार गुराँस गाउँपालिका–४ चिसापानीस्थित सुर्खेत–दैलेख सडकखण्डमा सुर्खेतबाट दैलेखतर्फ जाँदै गरेको लु.प्र.०२–००१ क ०१९३ नम्बरको ट्रकमा सोही दिशाबाट गइरहेको क.प्र.०२–००३ प २२१० नम्बरको मोटरसाइकल पछाडिबाट ठोक्किएको थियो।
दुर्घटनामा मोटरसाइकलको पछाडि सवार आचार्य गम्भीर घाइते भएका थिए। उनलाई उपचारका लागि कर्णाली प्रदेश अस्पताल सुर्खेत पुर्याइए पनि चिकित्सकले मृत घोषणा गरेका हुन्।
