कालिकोट । कालिकोटमा १६ दिने लैङ्गिक हिंसा विरुद्धको सचेतना मुलक विभिन्न कार्यक्रम गरि आज समापन गरियको छ ।
लैङ्गिक हिंसा विरुद्ध सचेतना मुलक देउडा खेल सडक नाटक जस्ता कुनै पनि प्रकारका हिंसा गर्दैनौँ, हिंसा सहन्नौँ र हिंसा हुन दिन्नौँ भन्ने मुल मन्त्रलाई नारामा राख्दै १० दिन गाँउ, टोलमा विभिन्ह कार्यक्रम गरीयका छन् । नाटकमा हिंसामा परेका महिला तथा बालबालिकाहरूले भोग्नु परेको घरेलु हिंसा तथा यातनालाई देखाएको थिए ।
देउडामा पनि तेस्तै खालका हिंसामा परेका महिला तथा बालबालिकाहरूले भोग्नु परेको घरेलु हिंसा तथा यातनालाई देखाउदै देउडा खेल मार्फत सन्देश दिएका थिए ।
खाँडाचक्र नगरपालिकाको आयोजनामा सडक नाटक र देउडा खेल विशेस गरि प्रभावकारी रहेको बालबालिकाहरूले समाजमा भएका नकारात्मक कुप्रथा, रितिरिवाज, हिंसा र अन्य क्रियायाकलापलाई नाटक मार्फत सचेतना जगाउने गरी प्रस्तुत गरेको र यस्तै कार्यक्रमहरू आयोजना गर्नका लागि स्थानीयको भनाइ रहेको थियोे ।
हरेक वर्ष नोभेम्बर २५ देखि डिसेम्बर १० सम्म विश्वभर मनाइने लैङ्गिक हिंसा विरुद्धको १६ दिने अभियान आजदेखि सुरु भएको छ । ‘लैङ्गिक हिंसा मानव अधिकारको हनन हो’ भन्ने विषयमा राष्ट्रिय तथा अन्तर्राष्ट्रिय रूपमा जनचेतना विस्तार गर्न नेपालले पनि हरेक वर्ष नोभेम्बर २५ तारिखमा महिला हिंसा विरुद्धको राष्ट्रिय अभियान दिवसका रूपमा मनाउने गरेको छ ।
सन् १९८० को दशकदेखि नै विभिन्न मुलुकले महिलामाथि हुने हिंसा विरुद्धको दिवस मनाउँदै आएको भए पनि सन् १९९९ मा संयुक्त राष्ट्रसङ्घले अनुमोदन गरेपछि महिलामाथि हुने हिंसा विरुद्धको विभिन्न अभियान सुरु भएको पाइन्छ ।
नेपालमा यो दिवस सन् १९९७ देखि विभिन्न कार्यक्रमको आयोजना गरी मनाउन थालिएता पनि वि।सं।२०७५ कात्तिक २९ गतेको मन्त्रिपरिषद्को बैठकले हरेक वर्ष नोभेम्बर २५ तारिखलाई महिला हिंसा विरुद्धको १६ दिने अभियान दिवसका रूपमा मनाउने घोषणा गरेको थियो । यसैलाई प्रभावकारी कार्यान्वयन गर्ने उद्देश्यले सबै समुदायदेखि तहसम्म विभिन्न गतिविधि र कार्यक्रम गरी यो दिवस मनाउँन थालिएको हो ।
महिलामाथि हुने हिंसाविरुद्ध व्यापक जनचेतना जगाउने र समस्याको पहिचान गरी समाधानका लागि राज्यलाई कानुनी आधार तय गर्न सहकार्य गर्नु, लैङ्गिक हिंसा विरुद्ध पुरुषको सहकार्यलाई अभिवृद्धि गर्नु, लैङ्गिक समानता तथा सामाजिक न्यायका क्षेत्रमा काम गर्ने अधिकारकर्मीबिच ऐक्यबद्धता गर्नु, लैङ्गिक हिंसाका विविध आयाममा रणनीतिक छलफल गर्नु १६ दिने अभियानका मुख्य उद्देश्य रहेका छन् ।
डेउडा खेल भिडियो :
