कालिकोट । कर्णाली प्रदेशमा आइतवार बिहानदेखि विद्युत सेवा अवरुद्ध भएको छ । सुर्खेतको लेकबेशी नगरपालिका–६, हिलेशोतामा रुख ढलेर विद्युत तारमा क्षति पुगेपछि विद्युत सेवा अवरुद्ध भएको हो ।
कोहलपुर–सुर्खेत ३३ केभी अन्तर्गतको मुख्य लाइन अवरुद्ध भएपछि सुर्खेत, दैलेख, जाजरकोट, सल्यान, रुकुमपश्चिम, माथिल्लो कर्णालीका जिल्लाहरू कालिकोट , जुम्ला र मुगु समेतका सेवाग्राहि विद्युत विहीन बनेका छन ।
विद्युत तार बनाउन अझै केही समय लाग्ने विद्युत प्राधिकरण सुर्खेत वितरण केन्द्रका सूचना अधिकारी बेनी नेपालीले बताउनु भयो ।
तेस्तै कालिकोटको एस मोड नजिकै पहिरोले पोल ढलेको र हुल्म नजिकै पहिरोले सडक अवरुद्ध हुँदा गाडी नचल्दा आवाज जावतमा समस्या हुँदा नयाँ पोल हाल्नु पर्ने हुन सक्ने र सडक खुल्ला नभए सम्म विद्युत अवरुद्ध हुने मर्मत लाइन प्रमुख जय प्रसाद पाण्डेले बताउनु भयो ।
