रुकुमपश्चिम । रुकुमपश्चिममा भिरबाट लडेर एक जना शिक्षकको मृत्यु भएको छ ।रुकुमपश्चिम जिल्लाको त्रिवेणी गाउँपालिका –१० पेउघा घर भई सोही स्थानमा रहेको बाल कल्याण माध्यमिक विद्यालय टोड्केमा कार्यरत शिक्षक भद्रबहादुर खड्काको मृत्यु भएको हो ।
विद्यालयका प्रधानाध्यापक खम्बबहादुर केसीका अनुसार बुधवार विद्यालयको काम सकेर घर जाँदै गर्दा घर नजिकैको भिरबाट खसेकका हुन् । मृतक खड्का विद्यालयको सहायक प्रधानाध्यापक समेत रहेको थिए ।
भिरबाट लडेर गम्भीर घाइते भएका खड्कालाई उपचारको लागि जिल्ला अस्पताल सल्ले ल्याइएको बेला चिकित्सकले मृत घोषणा गरेको जिल्ला प्रहरी कार्यालयले जानकारी दिएको छ । उनी भिरबाट लडेर करिब चार सय मिटर तल खसेका थिए ।
उनी २०५३ देखि २०६० सम्म मुसिकोट नगरपालिका १२ जमारूमा रहेको नेपाल राष्ट्रिय आधारभूत विद्यालयमा कार्यरत थिए । हाल बाल कल्याण मावि टोड्केमा प्रावि स्थायी शिक्षक पदमा कार्यरत रहेका थिए।
