कालीकोट /- नेपाल कम्युनिष्ट पार्टी नेकपा (एमाले) कालीकोटको ११ औँ जिल्ला अधिवेशन चैत्र २१ गते हुने भएको छ । आइतबार बसेको ८ औँ जिल्ला पूर्ण बैठकले चैत्र २१, देखी २३ गते सम्म हुनेगरी जिल्ला अधिवेशन गर्ने निर्णय गरेको हो ।
अधिवेशनका लागि सबै पालिका र वडाबाट चैत्र १० गते एकैदिन प्रतिनीधि छनोट गर्ने पूर्ण बैठकले निर्णय गरेको छ ।
जिल्लामा सकेसम्म सर्वसम्मत नेतृत्व चयनका लागि पहल गरेको र सहमति हुन नसकेको अवस्थामा निर्वाचनको विधि अवलम्बन गरिने बबताए । पार्टीले केन्द्रीय सर्कुलर अनुसार जिल्ला मातहत कमिटीलाई सकेकसम्म सर्वसम्वत नेतृत्व चयन गर्न निर्देशन गरेको छ ।
जिल्लाको हकमा अन्यबाट ३५, दलितको हकमा २५ जना र महिला ३३ प्रतिशत अनिवार्य र युवा १५ प्रतिशत अनिवार्य समेट्नु पर्ने पनि जिल्ला कमिटीले निर्णय गरेको हो।
