सुर्खेत। सुदूरपश्चिम प्रदेशको मुख्यमन्त्रीमा नेकपा एकीकृत समाजवादी संसदीय दलका दीर्घ बहादुर सोडारीले दाबी पेश गरेका छन् । प्रदेश प्रमुख नजिर मियाँ समक्ष नेता सोडारीले मुख्यमन्त्रीमा दाबी पेशगरेका हुन् ।
सोडारीलाई नेकपा एमाले, नेकपा माओवादी केन्द्र, नागरिक उन्मुक्ति र स्वतन्त्रको समर्थन रहेको छ । प्रदेश प्रमुख मियाँले संविधानको धारा १६८ को (२) बमोजिम दुई वा दुई भन्दा बढी दलको समर्थन प्राप्त गर्न सक्ने प्रदेश सभा सदस्यलाई वैशाख ६ गते बेलुकी ५ बजे भित्र मुख्यमन्त्री पदमा दाबी पेश गर्न आह्वान गर्नु भएको थियो ।
प्रदेशमा बहुमतका लागि २७ सांसद आवश्यक पर्दछ ।
सुदूरपश्चिममा काँग्रेसका १८, माओवादी केन्द्रका ११, एमालेका १०, नागरिक उन्मुक्तिका ७, एकीकृत समाजवादीका ४, राप्रपाका एक र एक जना स्वतन्त्र प्रदेशसभा सदस्य छन् ।
