काठमाडौँ । पूर्व उपराष्ट्रपति नन्दबहादुर पुनका छोरा दिपेश पुन पक्राउ परेका छन् । प्रहरी प्रधान कार्यालय, नक्सालबाट खटिएको विशेष टोलीले उनलाई पक्राउ गरेको हो ।
उनलाई शुक्रबार टोखाबाट पक्राउ गरेको प्रहरी उच्च स्रोतले जनाएको छ । थप अनुसन्धानका लागी रूपन्देही लैजाँदै गरेको प्रहरी प्रधान कार्यालयका प्रवक्ता भीम ढकालले जानकारी दिए। दिपेश सुन तस्करी प्रकरण र सहकारी ठगी प्रकरणमा मुछिएका थिए।
उनि ६० किलो सुन प्रकरणमा पुनको पनि संलग्नता रहेको भन्ने आशंकामा प्रहरीले उनीसँग बयान लिएको थियो। यस्तै, बुटवलको सुप्रिम सहकारी ठगी प्रकरणमा पनि उनको नाम मुछिएको थियो। पुनलाई प्रहरीले कुन मुद्दामा पक्रेको हो भन्ने खुलाएको छैन।
