पलाँताकि तत्कालीन उपाध्यक्षसहित ८ जनाविरुद्ध भ्रष्टाचार मुद्दा

  ।   २७ चैत्र २०८०, मंगलवार २०:०१

कालिकोट । जिल्लाको पलाँता गाउँपालिका तत्कालीन उपाध्यक्ष दाना न्यौपानेसहित ८ जनाविरुद्ध भ्रष्टाचार मुद्दा दर्ता भएको भएको छ ।

थोपा सिंचाइ आयोजना निर्माणमा उपभोक्ता समितिमार्फत अनियमितता गरेको दाबीसहित अख्तियार दुरुपयोग अनुसन्धान आयोगले मंगलबार विशेष अदालतमा उनीहरू विरुद्ध मुद्दा दायर गरेको हो ।

अख्तियारले पलाँता गाउँपालिकाका तत्कालीन प्रमुख प्रशासकीय अधिकृत रामप्रसाद कुस्मा, सव–इन्जिनियर माधवकुमार भट्ट, वडा नं ८ का तत्कालीन वडाध्यक्ष पटकबहादुर बम, वडा सचिव जानकीकुमारी शाहीविरुद्ध पनि मुद्दा दायर गरेको छ ।

मुलखोला थोपा सिंचाइ उपभोक्ता समितिका अध्यक्ष मनराज शाही, सचिव लोकेन्द्र बम र कोषाध्यक्ष मोतिपुरा रोकायलाई पनि अख्तियारले प्रतिवादी बनाएको छ । – अनलाइनखबर बाट साभार

Next Post

कर्णालीका मुख्यमन्त्री कँडेलले पदभार ग्रहण

२७ चैत्र २०८०, मंगलवार २०:०१
सुर्खेत। कर्णाली प्रदेशका नवनियुक्त मुख्यमन्त्री यामलाल कँडेलले पदभार ग्रहण गरेका छन् । प्रदेश प्रमुख परियारले कँडेललाई संविधानको धारा १६८ को उपधारा २ बमोजिम बुधबार पद तथा गोपनीयताको शपथ गराएपछी उनले पदभार ग्रहण गरेका हुन् । पदभार ग्रहण गर्दे उनले सरकार गठनको विषयमा छलफल भइरहेको बताएका छन् । ‘सरसल्लाहमा केही समय […]