सुर्खेत। भिरबाट लडेर एक महिलाको मृत्यु भएको छ । जाजरकोट जिल्लाको बारे कोट गाउँपालिका ४ जिरी गाउँकी ७४ वर्षीया जया देवी विकको हिजो बेलुका भिरबाट लडेर मृत्यु भएको हो।
घर वाट नजिकको अर्को गाउँमा जाने क्रममा एक्कासि भीर वाट लड्दा गम्भीर घाइते भएकी वृद्धाको उपचारको तयारीकै क्रममा मृत्यु भएको वडाध्यक्ष विष्णु रावतले जनाएको छन् ।
जाजरकोटमा प्रत्येक महिना रुख र भीर वाट लडेर १०, १२ जना नागरिकले अकालमै ज्यान गुमाउने गरेको प्रहरीको तथ्याङ्क रहेको छ । धेरै जसो भिरालो जमिनमा घाँस, दाउरा गर्दा र हिँडडुल को क्रममा ठुला ठुला भीर रहेकाले नागरिकहरूले अकालमै ज्यान गुमाउनु परेको हो ।
