कालिकोट । कालिकोटमा भीरबाट लडेर एक महिलाको मृत्यु भएको छ ।चौपायालाई घाँस काट्न गएकी खाँडाचक्र–२ की ४४ वर्षीया पाँचा खड्काको मंगलबार बेलुकी घटनास्थलमै मृत्यु भएको हो ।
आफन्त गंगा खड्का बोगटीका अनुसार उनी घर नजिकैको भीरमा घाँस काट्न जानु भयको थियो। माओवादी केन्द्रकी केन्द्रीय सदस्य गंगाले भन्नु भयो फर्किने क्रममा घाँसको भारीसहित खसेर घटनास्थलमै मृत्यु भयो । उहाँको शवको जिल्ला अस्पताल मान्ममा पोस्टमार्टम गरेर बुधबार दाहसंस्कारका लागि आफन्तलाई बुझाइएको अस्पतालले जनाएको छ ।
खड्काका पति र तीन छोराछोरी छन् । भीरबाट लडेको खबर आएपछि सशस्त्र प्रहरीसहित स्थानीयले भीरबाट निकाल्दा मृत्यु भइसकेको स्थानीय खगेन्द्र बरालले बताउनु भयो ।
