कालीकोट। कालिकोटको तिलागुफा नगरपालिका – ६ जुविथामा आगलागी हुँदा ३ घर जलेर पूर्णरुपमा नष्ट भएका छन् । बुधबार दिउँसो ३ बजेतिर विद्युत् चुहावट भई आगलागी हुदा ३ घर जलेर पूर्णरूपमा नष्ट र एक घरमा आंशिक क्षेति भएका हाे ।
स्थानीय धनबहादुर शाहीको घरबाट आगलागी सुरु भएर ४ घर जल्दा लाखौको क्षति भएको अनुमान गरिएको छ ।
धनबहादुर शाहीको घरबाट आगलागी सुरू भएपछि स्थानीय मानबहादुर शाही र मनराज शाहीको घरसमेत जलेका हुन् । तीन घरमा बस्ने १४ परिवार ४० जना विस्थापित हुन पुगेका तिलागुफा नगरपालिका – ६ का वडाध्यक्ष प्रवलाल शाहीले बताउनुभयो ।
काठको छाना र एकअर्कोसँग जोडिएका घरहरु रहेकोले आधा घण्टामै ती घरहरु जलेको वडाध्यक्ष शाहीले बताउनुभयो ।
आगलागी भएको जानकारीपछि तिलागुफा नगर प्रमुख शंकरप्रसाद उपाध्यायसहित गाल्जे र खल्लागाड प्रहरी चौकीबाट टोली सहित स्थानीयको सक्रियतामा आगोलाई नियन्त्रणमा लिएको थियो ।
क्षतिको विस्तृत विवरण प्रहरी टोलीले संकलन गरिरहेको र मानवीय ,पशुपन्छी कुनै क्षेती नभएको र लत्ताकपडा ,खाद्यान्न लगाएको घरायसी सामाग्री जलेर अनुमानित लाखौंको क्षेति हुनसक्ने जिल्ला प्रहरी कार्यलय कालिकोटले जनाएको छ ।
