कालिकोट । नेकपा (एकीकृत समाजवाद ) पार्टी कालिकोटको १० औं जिल्ला अधिवेशनको बन्दसत्र सुरु भएको छ । शनिवार केन्द्रिय पार्टी अध्यक्ष तथा पुर्व प्रधानमन्त्री माधवकुमार नेपाल द्वारा उद्घाटन भएको अधिवेशनको बन्दसत्र आइतबार विहान सुरु भएको हो ।
जिल्ला अध्यक्ष चित्रसिंह गाउँलेको सभाध्यक्षता बन्द सत्रमा पार्टीका केन्द्रीय उपाध्यक्ष तथा पूर्व मन्त्री प्रकाश ज्याला, सचिव तथा कर्णाली प्रदेश इन्चार्ज चन्द्रबहादुर शाही विशेष अतिथि , केन्द्रिय सदस्यहरु कर्णाली प्रदेश अध्यक्ष ठगेन्द्र पुरी , सचीव धिर बहादुर बिष्ट लगाएत प्रदेश सदस्यहरुको सहभागीतामा सुरु भएको छ।
नयाँ नेतृत्व चयनमा सक्भर सर्वसहमतको प्रयास गर्ने एकीकृत समाजवादीको तयारी छ । बन्द सत्रले १ अध्यक्ष, २ उपाध्यक्ष, १ सचिव, ३ उपसचिवसहित १० जना मनोनीत गर्ने गरि बढिमा ६७ सदस्यीय जिल्ला कमिटी चयन गर्ने तयारी गरिएको छ ।
