जुम्ला । प्रत्येक वर्ष माघ १६ गते शहिद दिवस मनाउने गरिन्छ । देशका विभिन्न स्थानमा निकै तामझामका साथ आज शहिद दिवस मनाईएको छ । देशका अधिकांश जिल्लामा पछिल्लो समय शहिद दिवस मनाउने गरेको देखिदैन तर जुम्ला जिल्लामा कुनै पनि सरकारी निकायहरूले यो वर्ष शहिद दिवस भने मनाएका छैनन् ।
सदाको वर्ष झै यो वर्ष पनि शहिद सप्ताह मनाईएको थियो तर जुम्लामा भने शहिद सप्ताहले कुनै प्रभाव पारेको देखिदैन । जिल्लाका सरकारी निकायहरु शहिद दिवसको दिन आएको सायद पत्तो नै भएन । कुनै पनि सरकारी गैरसरकारी निकायबाट शहिद दिवस नमनाएता पनि नेपाल पत्रकार महासंघ जुम्ला शाखाले साँझको समयमा नेपालको नमूना नक्सा बनाई दीप प्रज्वलन गरेर राष्ट्रिय शहिद दिवस मनाएको छ ।
पत्रकार महासंघ जुम्लाका कोषाध्यक्ष सागर परियारले भनेुयो वर्ष कुनै पनि जिल्लाका सरकारी तथा गैरसरकारी निकायहरुबाट शहिद दिवस मनाउने पत्र हामीलाई आएन तैपनि नेपाल पत्रकार महासंघले वीर शहिदहरुको सम्झनामा शहिद दिवस मनाउने छलफल पछि कृष्ण मन्दिर परिसरमा दीप प्रज्वलन गर्ने निधो गरेर हामीले शहिद दिवस मनाएका हौुं ।
