सुर्खेत । वीरेन्द्रनगर ११ धुलियाबिट नजिक बोलेरोको ठक्करबाट एक जनाको मृत्यु भएको छ । सो दुर्घटनामा एक जना घाइते भएका छन्।
बुधवार बिहान करिब १० बजेर ४५ मिनेटको समयमा गुर्भाकोटको गुमीबाट सुर्खेततर्फ जादैँ गरेको कर्णाली प्रदेश ०२००१ च ०९४४ नम्बरको बोलेरो गाडीले मिनिट्रकबाट घाँस झारिरहेका दुई जनालाई ठक्कर दिएको हो ।
ठक्करबाट वीरेन्द्रनगर–११ धुलियाबिटका ३४ वर्षीय प्रेम बुढा गम्भीर घाइते भएका हुन । उहाँको पेट र टाउकोमा गहिरो चोट लागेपछि तत्काल उद्धार गरी उपचारका लागि अस्पताल लगिएको भए पनि बिहान ११ बजेर १० मिनेटमा उनको मृत्यु भएको जिल्ला प्रहरी कार्यालय सुर्खेतका प्रवक्ता डिएसपी मोहनजंग बुढाथापाले बताए ।
