जुम्ला । जुम्लामा जारी दलित युवाहरू बीच खुला फुटबल प्रतियोगिताको आज दोस्रो दिनमा चारवटा खेल सम्पन्न भएका छ ।
दोस्रो दिनको पहिलो खेल जयबाबिरा युवा क्लब र मष्टो युवा क्लब बीच भएको थियो । उक्त खेलमा मष्टो युवा क्लबलाई १ गोलले जयबाबिरा युवा क्लबले जित आफ्नो हातमा पारेको थियो ।
त्यसपछि दोस्रो दिनको दोस्रो खेल दलित एकता समाज र दिवाइसी युवा क्लब बीच भएको खेलमा ३ गोलले दलित एकता समाज पराजित भएको थियो । त्यस्तै दोस्रो दिनको तेस्रो खेलमा जयशम्भुनाथ युवा क्लब र एचवान युवा क्लब बीच भएको खेल पेनाल्टी सुट आउट हुन गएको थियो । जयसम्भुनाथ युवा क्लब जित हातमा पारेको थियो ।
जिल्ला व्यापी दलित युवाहरू बीच भईरहेको यो प्रतियोगिता दलित सेवा संघ जुम्ला शाखा र केही युवाहरूको समन्वय सञ्चालन भएको हो । खेल २३ गतेसम्म सञ्चालन हुनेछ ।
