रोल्पा । रोल्पाको रुन्टीगढी गाउँपालिका वडा नं। ७ सालीबाङ गोठीवनदेखि वडा नं. ८ तल्लो लापुतर्फ जाँदै गरेको लु प्र ०२००१ ज ०१३२ नम्बरको बलेरो जीप दुर्घटनामा परेको छ।
आज बिहान करिब १ बजे भएको उक्त दुर्घटनामा जीप सडकबाट करिब ५० मिटर तल खोल्सामा खसेको बताइएको छ।
दुर्घटनामा आठ जना घाइते भएका छन्। घाइतेहरूलाई उपचारका लागि दाङको राप्ती प्रादेशिक अस्पताल पठाइएको छ। घाइतेहरूको अवस्था सामान्य रहेको अस्थायी प्रहरी पोस्ट कुर्जाका प्रमुख मोहन विश्वकर्माले जानकारी दिएका छन्।
