कालीकोट । कालीकोटको तिलागुफा नगरपालिका–१ बजेरीचौरमा शनिबार दिउँसो ट्याक्टर दुर्घटना हुँदा चालकसहित दुई जना गम्भीर घाइते भएका छन्।
नाग्माबाट बजेरीचौरतर्फ जाँदै गरेको से २ त ३४३५ नम्बरको ट्याक्टर अर्को ट्याक्टरलाई साइड दिने क्रममा सडकबाट करिब ४० मिटर तल खसेको प्रहरीले जनाएको छ।
दुर्घटनामा चालक जुम्लाका २४ वर्षीय भक्तबहादुर सुनार र ट्याक्टरधनी डडेलधुराका ३५ वर्षीय नरेश पाण्डे गम्भीर घाइते भएका छन्। दुवैको टाउको तथा शरीरका विभिन्न भागमा चोट लागेको छ।
घाइतेलाई उपचारका लागि कर्णाली स्वास्थ्य विज्ञान प्रतिष्ठान, जुम्ला पठाइएको छ। प्रहरीले घटनाबारे थप अनुसन्धान गरिरहेको जनाएको छ।
