कालिकोट। जुम्लामा मरेको भेडाको मासु खाँदा ६ जना बिरामी भएका छन् । वनमा पलाउन लागेको विष खाएर मरेको भेडाको मासु खाँदा तीन महिला र तीन पुरुष गरि एउटै परिवारका ६ जना बिरामी भएका हुन् ।
गुठिचौर गाउँपालिका ४ थामबाडामा मरेको भेडाको मासु खाँदा एकै घरका छ जना बिरामी परेको कर्णाली स्वास्थ विज्ञान प्रतिष्ठान शिक्षण अस्पताल जुम्लाले जनाएको छ । उनीहरूको कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा उपचार भइरहेको छ ।
बिरामी हुनेमा बर्ष ४० वर्षका विष्णबहादुर अधिकारी उनकी श्रीमती कमलदेवी अधिकारी, छोरा सुर्य अधिकारी, छोरीहरु सुक्ष्मा अधिकारी र सावित्री अधिकारी तथा ज्वाइँ राजेश खत्री रहेका छन् । उनीहरुले बुधबार बिहान मरेको भेडाको मासु खाएको बताएका छन् ।
स्थानीयका अनुसार वनमा पलाउन लागेको विष खाएर मरेको भेडाको मासु खाँदा उनीहरु बिरामी परेका हुन् । पहिला पनि यसरी मरेका भेडाको मासु खाँदा केही नभएको र पहीलो पटक यस्त्यो भएको स्थानीयहरुले बताए ।
