कालिकोट । जिल्लाको सान्नी त्रिवेणी गाउँपालिका वडा नं. ३ लुयाँटामा प्रसुती गृहको उद्घाटन भएको छ । नेपाल रेडक्रस सोसाईटी र सान्नी त्रिवेणी गाउँपालिकाको संयूक्त साझेदारी लगानिमा प्रसुती गृह निर्माण सम्पन्न पछि आज उद्घाटन गरिएको हो । सोमवार एक कार्यक्रमका विच प्रसुती गृहको गाउँपालिका अध्यक्ष मोहन बहादुर केशीले उद्घाटन गर्नु भएको हो ।
वडा नं. ३ का महिलाहरुले प्रसुती सेवा लिनका लागि यस अघि वडा नं. ५ मा रहेको स्वास्थ्य चौकी मेहलमुडी जानुपर्ने बाध्यता थियो ।
गर्भवति महिलाहरु हीडेर स्वास्थ्य चौकि मेहलमुडी आउन निकै मुस्कील हुने गरेकोमा अव गाउँमै प्रसुती गृह निर्माण भएपछि सहज हुने विश्वास गरिएको छ । प्रसुती सेवा लिनका लागि टाढा जानु पर्ने बाध्यताले कतिपयले घरमै बच्चा जन्माउने गर्छन । जस्ले गर्दा आमा र बच्चाको ज्यान जाने खतरा पनि उत्तिकै हुने स्वास्थ्यकर्मी बताउछन । गाउँमै प्रसुती गृह निर्माण भएपछि धेरै महिलाहरुको ज्यान पनि जोगिने र सहज रुपमा गाउँमै प्रसुती सेवा लिन सहज हुने स्वास्थ्य शाखा संयोजक शुदर्सन बमले बताउनु भयो ।
नेपाल रेडक्रस सोसाईटीको ३३ लाख १० हजार २ सय ५३ रुपैयाँ, गाउँपालिकाको १५ लाख र समुदायको ६७ हजार १ सय ५४ रुपैयाँ लागतमा निर्माण कार्य सम्पन्न भएको नेपाल रेडक्रस सोसाईटीका जिल्ला परियोजना अधिकृत भोजराज ओझाले बताउनु भयो । उहाँका अनुसार उक्त लागतमा प्रसुती गृह निर्माण, खानेपानी धारा तथा हात धुने स्थान, शौचालय, प्लासेन्टा पिट, रिटेनिङ पर्खाल, पुरानो भवन मर्मत, घेरवार र वरियल पिट निर्माण गरिएको छ ।
गाउँमै प्रसुती गृह निर्माण भएपछि अव प्रतेक गर्भवति महिलाहरुले प्रसुती गृहमा आएर बच्चा जन्माउन गाउँपालिका अध्यक्ष मोहन बहादुर केशीले आग्रह गर्नुभयो । उहाँले यहाँका नागरिकहरुको माग , आवश्यकतालाई मध्यनजर गर्दै प्रसुती गृह निर्माण गरिएको र यसवाट लिन सकिने सेवामा कुनै कन्जुस्याइ नगरि नियमित रुपमा सेवा लिन आग्रह गर्नुभयो । उहाँले यसका लागि चाहिने आवश्यक जनशक्ती, औजार उपकरणहरुको वव्यस्थापन गर्ने बताउदै गर्भवति महिलाहरुले घरमै बच्चा नजन्माएर प्रसुती गृहमा आई वच्चा जन्माउन सुझाव दिनु भयो । उहाँले गर्भवति आमा र बच्चाको स्वास्थ्यका लागि प्रसुती गृहमा वच्चा जन्माउनु पर्ने बताउनु भयो । भवन निर्माणका लागि सहयोग गर्ने रेडक्रसलाई धन्यवाद व्यक्त गर्दै सान्नी त्रिवेणी गाउँपालिकाका नागरिहरुलाई सहज रुपमा स्वास्थ्य सेवा प्रदान गर्नका लागि गाउँपालिका लागिपरेको बताउनु भयो ।
आफुले चुनावको वेला जनतामाझ गरेका वाचाहरु एकपछि अर्को गर्दै पुरा गर्ने चरणमा रहेको वडा अध्यक्ष रंगलाल देवकोटाले बताउनु भयो । विभिन्न विवाद र समस्याका वावजुत यो भवन निर्माण सम्पन्न गरि आज उद्घाटन गर्न पाउनु रेडक्रस, गाउँपालिका र यहाँका नागरिकहरुको ठुलो योगदान रहको देवकोटाले बताउनु भयो ।
उहाँले यसलाई निर्माण गरेर मात्र पुर्ण नहुने भन्दै यसवाट लिनु पर्ने सेवा नागरिकहरुले सहज रुपमा लिन पाउने गरि यसको व्यवस्थापन गरिने बताउनु भयो । उहाँले प्रसुती सेवा लिनका लागि घण्टौ पैदल हिडेर मेहलमुडी स्वास्थ्य चौकी जानु पर्ने बाध्यताको अन्त्य भएको र अव आफ्नै गाउँवाट प्रसुती सेवा दिन सकिने देवकोटाले बताउनु भयो ।
