काठमाडौं । नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’ शौचालयमा लडेर घाइते भएका छन्। अध्यक्ष ‘प्रचण्ड’ खुमलटारस्थित निवासमा गएराति शौचालयमा लडेर घाइते भएका हुन्।
अध्यक्ष प्रचण्ड घाइते पछि उपचारका लागि मेडिसिटी अस्पतालमा लगिएको हो। अस्पताल स्रोतका अनुसार उहाँको टाउको र निधारमा चोट लागेकाले टाँचा लगाइएको छ। उहाँको अवस्था सामान्य रहेको स्रोतको भनाई छ।
