कालिकोट । कालीकोट जिल्लाको महावै गाउँपालिकामा मंगलवार शोक विदा दिएको छ । गाउँपालिकाले एक सूचना जारी गर्दै पौष २३ गते मंगलबार शोक विदा दिएको जनाएको हो ।
गाउँपालिकाको सूचना अनुसार वडा नम्बर ३ वडा कार्यालयमा कार्यरत प्रशासन सहायक केशर बहादुर सिंह(आक्रोश)को मृत्यु भएकोले शोक विदा दिएको छ ।
मृतक सिंह महावै गाउँपालिकामा विगत केही वर्ष देखि विभिन्न वडाहरुमा वडा सचिवको रुपमा सेवा गर्दै आएका र हाल वडा नम्बर ३ मा प्रशासन सहायक पदमा कार्यरत कर्मचारी हुन ।
जारी सूचना अनुसार
उहाँ मिति २०८१ पौष २१ गते शनिबार विहान आफ्नै घरमा हृदयघातको कारण असमायीक निधन भएकोले सिंगो महावै गाउँपालिका लाई अतुलनिय क्षेति भएको छ । यस दुखद घडीमा मृतकप्रति हार्दिक श्रदाञ्जली व्यक्त गर्दै शोकाकुल घरपरिवार र आफन्तजनमा समवेदना प्रकट गर्दछौं । सो सन्दर्भमा यस गाउँकार्यपालिकाको निर्णय अनुसार मिति २०८१पौष २३ गते मंगलवार महावै गाउँपालिका, गाउँपालिकाको कार्यालय र सम्पूर्ण वडा कार्यालय १ देखि ७ विदा हुने भएकोले सम्पूर्ण सरोकारवालाहरु लाई जानकारी गरिएको छ ।
