जुम्ला । दलित सेवा संघ जुम्ला शाखा र जिल्लाका केही दलित युवाहरूको समन्वयमा भईरहेको जिल्ला व्यापी रुपमा दलित युवाहरूको लागि फुटबल प्रतियोगिताको आज तेस्रो दिनमा तीन खेल सम्पन्न भएका छन् ।
तेस्रो दिनको पहिलो खेल दलित सिर्जनशील युवा क्लब गर्ज्याङ्कोट र रोयल छिना युवा क्लब छिना बीच भएको थियो । उक्त खेल पेनाल्टी सुटआउट हुने पुगेको थियो । जसमा रोयल छिनाले विजय हासिल गर्न सफल भएको थियो । त्यस लगत्तै तेस्रो दिनको दोस्रो खेल जेवाइसी युवा क्लब र सिद्धगुफा युवा क्लब बीच भएको थियो जसमा जेवाइसी युवा क्लबले ३ – ०१ गोलले सिद्धगुफा युवा क्लबलाई पराजित गरेको थियो ।
तेस्रो दिनको तेस्रो खेल भने क्वाटर फाइनलको खेल सुरु भएको जसमा समाज चेतना युवा हिँयाखोला र फोईकालिका युवा क्लब देपालगाउँ बीच भएको थियो । उक्त खेलमा दुबैको प्रदर्शन निकै उत्कृष्ट रहेको थियो तेस्रो दिनको लागि यो खेल निकै दर्शकहरुको निम्ति पनि रोचक बनिरहेको थियो ।
दुबै टिमका खेलहरुले राम्रो प्रदर्शन गर्न सफल भएका थिए । जुन खेलमा १-१ गोल निर्धारित समय बराबर हुन पुगेपछि पेनाल्टी सुटआउट भएको थियो । जसमा समाज चेतना युवा क्लब हिँयाखोला विजय भएको छ ।
१९ गतेबाट सुरु भएको खेल २३ गतेसम्म समापन गर्ने भनेर निर्धारित समय तोकिएको छ । खेल प्रदर्शन सदरमुकाम स्थित टुडिखेल खेल मैदानमा भैरहेको छ ।
