सुर्खेत । कर्णाली प्रदेश योजना आयोगको उपाध्यक्षमा सूर्यनाथ योगी नियूक्त भएका छन् । बुधबार बसेको मन्त्रिपरिषद्को बैठकले वीरेन्द्रनगर नगरपालिका-४, सुर्खेतका योगीलाई प्रदेश योजना आयोगको उपाध्यक्षमा नियुक्त गर्ने निर्णय गरेको हो।
सरकारका प्रवक्ता तथा भुमि व्यवस्था, कृषि तथा सहकारीमन्त्री विनोदकुमार शाहले कर्णाली प्रदेश योजना आयोग (गठन तथा कार्य सञ्चालन) आदेश, २०७५ को दफा ३ को उपदफा (२) को खण्ड (ख) र (ग) मा व्यवस्था भएअनुसार उपाध्यक्ष र सदस्य पदमा दफा १२ बमोजिम आयोग गठन गर्ने निर्णय भएको जानकारी दिए।
प्रवक्ता शाहका अनुसार आयोगको सदस्यहरुमा मुगुको छायाँनाथ रारा नगरपालिका–५ का डम्मरबहादुर रावल र रास्कोट नगरपालिका–३ कालिकोटका अशोकनाथ योगी सदस्यमा नियुक्त भएका छन्। उनिहरुको बिहीबार पद तथा गोपनियताको शपथ ग्रहण हुनेछ। उपाध्यक्षमा नियुक्त भएका सूर्यनाथ योगी र सदस्य डम्मर रावल नेकपा एमाले निकट हुन् भने अर्का सदस्य अशोकनाथ योगी नेपाली कांग्रेस निकट हुन्।
