सुर्खेत । प्रदेश सभाको उपनिर्वाचन बझाङमा एमालेका दमन भण्डारी विजयी भएका छन् । नेपाली काँग्रेसका उम्मेद्वार अभिषेकबहादुर सिंहलाई २६७ मतान्तरले हराउँदै भण्डारी विजयी भएका हुन् ।
भण्डारीले ११६१३ मत ल्याएर विजयीहुँदा काँग्रेसका सिंहले ११३४६ मत ल्याए । यसअघि कांग्रेसले जितेको उक्त निर्वाचन क्षेत्रमा उपनिर्वाचनमा भने एमालेले बाजी मारेको हो। २०७९ सालमा भएको निर्वाचनमा विजयी पृथ्वीबहादुर सिंहको निधन भएपछि शनिबार बझाङमा उपनिर्वाचन भएको हो ।
२०७९ को निर्वाचनमा माओवादी र एकीकृत समाजवादीको साथ पाउँदा कांग्रेसका पृथ्वीबहादुर सिंह १७ हजार ११२ मतसहित विजयी भएका थिए । उनका निकटतम् प्रतिस्पर्धी एमालेका अफिलाल ओखेडाले १३ हजार ३३६ मत पाएका थिए ।
