रुकुम पश्चिम। डोल्पातर्फ ३ सय २० वटा ग्यास सिलिण्डर बोकेर जाँदै गरेको मिनी ट्रक रुकुम पश्चिमको आठबिसकोट नगरपालिका–६ रिजिगार्ड खोला नजिक भेरी करिडोर सडकमा दुर्घटनामा परेको छ।
जिल्ला प्रहरी कार्यालय रुकुम पश्चिमका प्रमुख प्रहरी नायब उपरीक्षक बेदबहादुर पौडेलका अनुसार बिहीबार दिउँसो करिब ४ः३० बजे नेपालगञ्जबाट डोल्पा जाँदै गरेको लु.प्र.०३–००१ क ००४१ नम्बरको ट्रक सडकबाट चिप्लिएर खोलामा पल्टिएको हो।
दुर्घटनामा मानवीय क्षति नभएको प्रहरीले जनाएको छ। ट्रकमा रहेका ३ सय २० ग्यास सिलिण्डरमध्ये करिब ७–८ वटा खोलामा बगेका छन्। घटनाबारे प्रहरीले थप अनुसन्धान गरिरहेको छ।
