कालिकोट। महाबै गाउँपालिका को प्रशासनिक भवन निर्माण कार्यको शिलान्यास आज कोटखौला मा सम्पन्न भएको छ।
शिलान्यास कार्यक्रममा गाउँपालिका अध्यक्ष खेम बहादुर सिंह (भिजन) ले प्रशासनिक भवनले सेवा प्रवाहलाई थप प्रभावकारी, व्यवस्थित र नागरिकमैत्री बनाउने बताउनुभयो। उहाँले गुणस्तरीय निर्माण र निर्धारित समयमै काम सम्पन्न गर्न निर्माण व्यवसायीलाई आग्रह गर्नुभयो।
निर्माण व्यवसायीले पनि तोकिएको समयभित्र गुणस्तरीय रूपमा भवन निर्माण सम्पन्न गर्ने प्रतिबद्धता व्यक्त गरेका छन्। गाउँपालिकाको संस्थागत विकास र सुशासन प्रवर्द्धनमा भवन महत्वपूर्ण पूर्वाधार बन्ने विश्वास गरिएको छ।
