जुम्ला । आज देखि पाठेघरको मुखको क्यान्सर विरुद्ध लगाइने एच.पी.भी.खोप अभियानको सुभारम्भ भएको छ । देशभर पहिलोपटक संचालन गरिएको एच .पी.भी. खोप अभियान २२ गतेबाटसुरु भइ फागुन ६ गतेसम्म जारी रहनेछ ।
जुम्लामा भने माघ २७ गतेबाट अर्थात् आजबाट पाठेघर मुखको क्यान्सर विरुद्धको एच.पी.भी.खोप लगाउन सुरु भएको छ । जिल्लाभर फागुन २ गतेसम्म यो खोप लगाउने अभियान जारी हुनेछ । जिल्लाका आठै स्थानीय तहका झण्डै ९ हजार छात्राहरूलाई पाठेघर मुखको क्यान्सर विरुद्धको यो खोप लगाइने भएको हो ।
कनिका निशा माध्यमिक विद्यालयबाट सुभारम्भ गरिएको खोप अभियान जिल्लामा सबै विद्यालय ट्युसनहरुमा अध्ययनरत छात्राहरूमा यो खोप लगाइने भएको छ ।
जनस्वास्थ्य कार्यालय जुम्लाका अनुसार माघ २७ देखि फागुन २ गते सम्म जुम्लामा खोप अभियान संचालन हुनेछ । कक्षा ६ देखि १० सम्म अध्ययन गर्ने १० देखि १४ वर्ष उमेर समुहका किशोरीलाई पाठेघर मुखकको क्यान्सर विरुद्धको खोप लगाईने छ । लक्ष्यनुसारको सबै किशोरीलाई खोपको पहुँचमा ल्याउने जनस्वास्थ्य कार्यालय जुम्लाले जनाएको छ ।
