सुर्खेत । जुम्लामा ट्याक्टरबाट खसेर एक व्यक्ति गम्भीर घाइते भएका छन्। आज दिउँसो करिब २ः३० बजे तिला खोलाले बगाएर ल्याएर संकलन गरिएका काठहरू लोड गरि फर्कने क्रममा दुर्घटना हुदा घाइते भएका हुन् ।
क.१.त .१२ नम्बरको ट्याक्टरमा काठहरू लोड गरी डिभिजन वन कार्यालय, जुम्लातर्फ ल्याउने क्रममा उक्त दुर्घटना भएको हो ।
ट्याक्टरमा सवार डिभिजन वन कार्यालय जुम्लाका खरिदार वर्ष ५५ वर्षका गणेश घाइते भएका छन् । यस्तै सोही गाउँपालिकाका स्थायी बासिन्दा पनि अचानक ट्याक्टर बाट खस्दा टाउकोमा चोट लागी गम्भीर घाइते भएका छन् ।
घाइते पाण्डेलाई डिभिजन वन कार्यालयकै नायव सुब्बा रविन्द्र अधिकारीले तत्काल उद्धार गरी साँझ ५ः३० बजे कर्णाली स्वास्थ्य विज्ञान प्रतिष्ठान, जुम्ला पुर्याएका थिए ।
जिल्ला प्रहरी कार्यालय बाट खटाएका प्रतिष्ठानमा कार्यरत प्रहरी भक्ति प्रसाद पाण्डेका अनुसार पाण्डेको अवस्था हाल मध्यम रहेको छ र उपचार भइरहेको बताएका छन् ।
ट्याक्टर चालक वर्ष ३४र३५ का टेक बहादुर मगरले प्रयोग गरेको ट्याक्टर जिल्ला प्रहरी कार्यालय जुम्लाको नियन्त्रणमा राखिएको छ।
दुर्घटना भएको स्थान जुम्ला सदरमुकामदेखि पश्चिमतर्फ करिब ११ किलोमिटर दूरीमा रहेको छ । अन्य विवरण अनुसन्धान पश्चात सार्वजनिक गरिने प्रहरीले जनाएको छ।
