काठमाडौं । काठमाडौंबाट एक महिलालाई ठूलो परिमाणमा नक्कली नोटसहित प्रहरीले पक्राउ गरेको छ । शनिबार राति उनलाई पक्राउ गराएको हो।
नेपाली एक हजार दरका ५ सय १५ थान नक्कली नोटसहित काठमाडौंको कलंकीमा चियापसल सञ्चालन गर्दै आएकी तारादेवी डंगोललाई पक्राउ गरि नियन्त्रणमा लिइएको प्रहरीले जनाएको छ ।
कसरी चिन्न सकिन्छ नक्कली नोट
डंगोलले नक्कली नोटको कारोबार गरेको भन्ने सूचनाका आधारमा प्रहरी टोली खटिएको थियो । प्रहरीले उनको पसल तलासी गर्दा उक्त नक्कली नोट फेलापरेको थियो । त्यसबारे थप अनुसन्धान गरिरहेको प्रहरीले जनाएको छ ।
