सुर्खेत । श्रीमानले धारिलो हतियार प्रहार गरी बाँकेको कोहलपुर नगरपालिका–१४ पर्वतीपुरमा आफ्नै श्रीमतीको हत्या गरेका छन्।
बाँकेको कोहलपुर नगरपालिका–१४ पर्वतीपुर स्थित हेम्पाइप फ्याक्ट्रीमा काम गर्दै आएका बर्दियाको बाँसगढी – ४ घर भइ हाल अस्थायी रुपमा कोहलपुर – १४ मा बस्दै आएका वर्ष २२ का अनिल विकले वर्ष २१ की श्रीमती सुशीला सुनारको हत्या गरेका हुन्।
विकले श्रीमती माथि धारिलो हतियार प्रहार गरेका छन् । धारिलो हतियार पछि गम्भीर घाइते भएकी सुनारलाई उपचारको लागि नेपालगञ्ज मेडिकल कलेज कोहलपुरमा ल्याइएको हो । सुनारको उपचारका क्रममा मृत्यु भएको बाँके प्रहरीले जनाएको छ।
श्रीमान् अनिल विकलाई इलाका प्रहरी कार्यालय कोहलपुरले नियन्त्रणमा लगि थप अनुसन्धान भइरहेको छ ।
