कालिकोट । कालिकोट लगाएतका क्षेत्रमा वर्षासँगै लेकाली भेकहरुमा हिमपात भएको छ । विहबार विहान देखि कालीकोट जिल्लामा भएको वर्षासँगै लेकाली भेकमा हिमपातले जनजीवन प्रभावित समेत भएको छ ।
जिल्लाका लेकाली भेकहरुमा हिमपात र वर्षाले चिसो अत्याधिक रुपमा बढेको छ । चिसोका कारण स्थानीयबासी घर बाहिर निस्कन सकेका छैनन् ।
वर्षासँगै हिमपातले जिल्लाका माथिल्लो क्षेत्र धौलागोह, खिन, फोइमहादेव, ओदानकु, रुप्सा, रास्कोटको देउरा, त्रिवेणी, जुविथा, चिल्खाया, छाप्रे, पाँखा र चुलि लगायत लेखका क्षेत्रमा भारी हिमपात भएपछि जनजीवन प्रभावित भएको हो
बिहानैदेखि दैलेख, बाजुरा , कालीकोट जिल्लालगायत कर्णालीका जुम्ला, मुगु, हुम्ला, र डोल्पा जिल्लामा समेत भारी हिमपातसँगै वर्षा भइरहेको छ ।
हिमपातसँगै आएको वर्षाले कृषकमा खुसी ल्याएको छ । स्थानीय कृषकले लगाएको गहुँ तथा जौ बालीलाई बर्षाले राम्रो गर्ने हुँदा कृषकलाई राहत भएको छ । सुरु भएको वर्षा र हिमपात बिहीबार साझसम्म रोकिएको छैन् ।
