जुम्ला । जुम्ली पत्रकार मानबहादुर कुँवरलाई प्लान इन्टरनेशनल नेपालले सम्मान गरेको छ । उपत्यकाको ललितपुरमा आयोजित एक औपचारिक कार्यक्रममा कुँवरलाई सम्मान गरिएको हो ।
जुम्लामा बसेर पत्रकारिता गर्दै आएका कुँवरलाई सशक्त रुपमा कलम चलाउने र विभिन्न परम्परागत हानिकारक अभ्यास कुरीति न्युनिकरण तथा बालबालिकाका क्षेत्रमा सकारात्मक परिवर्तन र समाज रुपान्तरणमा आफ्नो समाचारका माध्यम बाट महत्त्वपूर्ण योगदान गरेको भन्दै प्लान इन्टरनेशनल नेपालले सम्मानित गरेको छ ।
कुँवर जिल्लामा एक सक्रिय पत्रकार हुन । दुर्गम भेगहरुमा पुगेर निरन्तर रिपोर्टिङ गर्दै आएका कुँवरले लामो समयदेखि पत्रकारिता गर्दै आएका छन् । यो सम्मानले उनलाई थप हौसला र अघि बढ्न ठूलो प्रेरणा मिलेको छ ।
