दाङ । सामान्य विवादमा श्रीमानले श्रीमतीको हत्या गरेका छन् ।दाङ्को तुलसीपुर उपमहानगरपालिका २ भम्के निवासी अन्दाजी २९ वर्षिय चित्र बहादुर बुढाथोकीले अन्दाजी ३२ बर्षीया हस्ति कुमारी बुढाथोकीको हत्या गरेका हुन् ।
सामान्य विवादमा बुधबार बिहान १० बजेतिर चित्र बहादुरले श्रीमतीलाई दाउराले टाउकोमा हिर्काउँदा उनको घटनास्थलमै मृत्यु भएको ईलाका प्रहरी कार्यालयका प्रवक्ता प्रकाश थापाले जानकारी दिनुभएको छ ।
श्रीमतीको मृत्यु भएपछि फरार रहेका चित्र बहादुरलाई तुलसीपुर ७ स्थित कारागार नजिकैबाट नियन्त्रणमा लिएको प्रहरीले जनाएको छ ।
