कालीकोट। कर्णाली राजमार्ग अन्तर्गत कालीकोटमा माइक्रोबस दुर्घटना हुँदा आठ जना घाइते भएका छन् । जुम्लाको सिञ्जादेखि सुर्खेततर्फ आउँदै गरेको कर्णाली प्रदेश ०२००१ ख ००९८ नम्बरको माइक्रो बस तिलागुफा नगरपालिका–५, खल्लागाडमा शनिबार दिउँसो दुर्घटना हुँदा ८ जना घाइते भएका हुन् ।
जिल्ला प्रहरी कार्यालय कालीकोटका सूचना अधिकारी गोविन्द चौधरीका अनुसार घाइतेहरूलाई कर्णाली स्वास्थ्य विज्ञान प्रतिष्ठान जुम्लामा पठाइएको छ । उनका अनुसार ५ जनाको अवस्था गम्भीर छ । माइक्रोबसमा १८ जना सवार रहेका थिए ।
गाडीको ब्रेक नलागेर दुर्घटना भएको प्रहरीको प्रारम्भिक अनुमान छ । गाडी चालकलाई नियन्त्रणमा लिइएको प्रहरीले जनाएको छ ।
