काठमाडौं । छोरीलाई बलात्कार गर्ने बाबु पक्राउ परेका छन् । आफ्नै छोरीमाथि बलात्कार गरेको आरोपमा बुबालाई पक्राउ गरेको हो ।
अछामको मङ्गलसेन नगरपालिकाका अन्दाजी ३५ वर्षीय बुवाले छोरीलाई बलात्कार गरेको भन्दै उजुरी परेपछि उनलाई प्रहरीले पक्राउ गरेको हो ।
जिल्ला प्रहरी कार्यालय अछामका अनुसार शनिबार साँझ ४ बजेको समयमा मादक पदार्थ सेवन गरेर लठ्ठ भएका बाबुले छोरीलाई एक्लै भएको मौकामा बलात्कार गरेको जाहेरीमा उल्लेख छ ।
बालिकाको जिल्ला अस्पताल अछाममा स्वास्थ्य परीक्षणपछि आमाछोरीलाई सेफ हाउसमा राखिएको प्रहरीले जनाएको छ ।
बालिकालाई लिएर आमाले प्रहरीमा जाहेरी दिएकी थिइन् । आरोपितलाई घरबाट पक्राउ गरी अदालतबाट म्याद थप भई अनुसन्धानको प्रक्रियामा रहेको बताइएको छ ।
