सुर्खेत । सल्यानमा बस दुर्घटना भएको छ । सल्यानबाट रुकुम पश्चिम जाँदै गरेको बस दुर्घटना हुँदा १४ जना घाइते भएका छन् ।
बागचौर नगरपालिका–२, ठिनबाङ खोलाको पुलबाट बस पल्टिएर सडकभन्दा तल खसेको हो । रा १ ख २०८५ नम्बरको यात्रुबाहक बस दाङको घोराहीबाट रुकुम पश्चिम जाँदै गर्दा दुर्घटनामा परेको प्रहरीले जनाएको छ ।
जिल्ला प्रहरी कार्यालय सल्यानका अनुसार दुर्घटनामा चालकसहित १४ जना घाइते भएका छन् । अहिले घाइतेहरुको उपचारका लागि स्थानीय मेडिकलमा पठाइएको छ । घटनास्थलमा उद्धार कार्य भइरहेको छ ।
बस चालक दाङ तुलसीपुर उपमहानगरपालिका ३८ वर्षीय पूर्ण राना रहेको जनाइएको छ ।
जिल्लाको बागचौर नगरपालिका–२ ठिनबाङ खोला पुलमा बुधबार बिहान बस दुर्घटना भएको हो । बस पल्टिएर सडक मुनी पुगेको छ ।
अहिले नेपाल प्रहरी र स्थानिय घटनास्थलमा पुगेर उद्धारको काम भैरहेको र क्षतिको विवरण आउन बाँकी रहेको जिल्ला प्रहरी कार्यालय सल्यानले जनाएको छ ।दुर्घटनामा परेर केही यात्रु घाइते भएको आशंका गरिएको छ ।
