सुर्खेत । कास्कीमा जिप दुर्घटना हुँदा दुई जनाको मृत्यु भएको छ । जिप दुर्घटनामा १० जना घाइते भएका छन् ।
कास्कीको अन्नपूर्ण गाउँपालिका – ४ भदौरेस्थित थामडाँडामा आइतबार दिउशो ३ बजेर ५० मिनेटमा पोखराबाट सल्यानतर्फ जाँदै गरेको ग १ ज ५५४७ नम्बरको यात्रुवाहक जिप सडकबाटकरीब २ सय ५० मिटर तल खस्दा दुई जनाको घटना स्थलमै मृत्य् भएको हो । मृतकको पहिचान खुल्न सकेको छैन । जिपमा १२ जना सवार रहेका थिए ।
घटनास्थलमा कालिका गण पोखराबाट सशस्त्र प्रहरीको टोली पुगेको छ । घाइतेलाई उपचारका लागि पोखरा लगिएको जील्ला प्रहरी कार्यलय कास्कीले जनाएको छ ।
घटनास्थलबाट स्थानीय र नेपाल प्रहरीको सहयोगमा १० जनालाई उद्धार गरी पोखरास्थित अस्पताल पठाइएको प्रहरीले जनाएको छ ।
