सुर्खेत । सुर्खेतको बराहतालमा यात्रुबाहक गाडी दुर्घटना हुँदा एक जनाको मृत्यु भएको छ । दुर्घटनामा अरु पाँच जना घाईते भएका छन ।
बिहिबार बिहान जुम्लाबाट सुर्खेततर्फ आईरहेको कर्णाली प्रदेश ०२२१ ख १०१४ नम्बरको एसएमल गाडी बराहताल गाउँपालिका–८ हुड्केमा दुर्घटनामा परेको हो ।
जिल्ला ट्राफिक प्रहरी कार्यालय सुर्खेतका प्रमुख प्रहरी निरीक्षक वकिल सुनारका अनुसार दुर्घटनामा दैलेखको ठाँटीकाँध गाउँपालिका–४ का ३५ बर्षीय दीपक शाहीको मृत्यु भएको हो । गम्भीर घाइते उनलाई उपचारको लागि प्रदेश अस्पताल सुर्खेत पु¥याईएको थियो। चिकित्सकले लगत्तै मृत घोषणा गरेका थिए ।
