कालिकोट । अविरल वर्षासँगै आएको पहिरोका कारण अवरुद्ध भएको कर्णाली राजमार्गअन्तर्गत गगनेखोलाको सडक पुनः सञ्चालनमा आएको छ।
सडक डिभिजन कार्यालय, जुम्लाका अनुसार २०८३ असोज २१ गते बिहान ७ बजे पहिरोका कारण अवरुद्ध भएको सडक सोही दिन दिउँसो ३ बजेबाट पूर्ण रूपमा सुचारु भएको हो।
सडक सुचारु भएसँगै कर्णाली राजमार्गमा रोकिएका सवारीसाधन तथा यात्रुहरूलाई आवतजावतमा सहज भएको छ। वर्षा जारी रहेकाले राजमार्गका अन्य स्थानमा समेत पहिरो तथा सडक अवरोध हुन सक्ने भन्दै यात्रामा सावधानी अपनाउन आग्रह गरिएको छ।
सडक डिभिजन कार्यालय जुम्लाले गगनेखोला सडक पूर्ण रूपमा सञ्चालनमा आएको जानकारी गराएको छ।
