सुर्खेत । कर्णाली प्रदेश सरकारको बजेट अधिवेशन २८ बैशाख २०८२ बाट सुरु हुने भएको छ । आइतबार बसेको मन्त्रिपरिषद्को बैठकले बजे प्रदेशसभाको बैठक २८ बैशाखमा आव्हानका लागि प्रदेश प्रमुख यज्ञराज जोशी समक्ष सिफारिस गर्ने निर्णय गरेको छ ।
कर्णाली प्रदेशसभाको दोस्रो कार्यकालको पाँचौँ अधिवेशन १८ चैत २०८१ मा अन्त्य भएको थियो । प्रदेश सरकारद्वारा आह्वान भएको अधिवेशनबाट आगामी वर्षको नीति, कार्यक्रम तथा बजेट पारित हुनेछ । जसका लागि प्रदेश सरकारले बजेटको दायरा बढाउने गरी नीति तथा कार्यक्रमलाई तीव्रता दिएको छ ।
मुख्यमन्त्रीको सचिवलायका अनुसार आइतबार बसेको बैठकले प्रदेश सचिव लक्ष्मीकुमार विकलाई मुख्यमन्त्री तथा मन्त्री परिषद् कार्यालयमा पदस्थापना गर्ने निर्णय गरेको छ ।
