कालिकोट । कालिकोटको खाँडाचक्र नगरपालिका वडा नं ४ स्थित आधारभुत स्वास्थ सेवा केन्द्र चिउरेलामा बर्थिङ सेन्टरबाट सेवा बिस्तार गरिएको छ । वर्थिङ सेन्टर अनुगमनको सिलसिलामा मंगलबार अनौपचारिक रूपमा एक कार्यक्रम बीच सेवा बिस्तार गरिएको हो ।
पहिलो पटक सेवा बिस्तार समारोहमा आधारभूत स्वास्थ्य सेवा केन्द्र चिउरेलाका इन्चार्ज राजेन्द्र बिश्वकर्मा र अ.न.मि पुष्पा चौउलागाई (आचार्य)ले पहिलो पटक स्वर्गीय गणेश परियार र कोपिला परियारको दोर्सो सन्तान छोरालाई सहज तरिकाले सुत्केरी गराउनु भएको छ ।
बर्थिङ सेन्टरबाट सेवा बिस्तार भएसँगै ४ नम्बर वडाबाट नै प्रसुुती सेवा सञ्चालनमा आएको वडा अध्यक्ष प्रभानन्द आचार्यले बताउनुभयो । बर्थिङ सेन्टर भएसँगै वडाका स्थानीय बासिन्दाले सहजै सेवा पाउनेमा अध्यक्ष आचार्यले विश्वास व्यक्त गर्नुभयो । असअघि महिलाहरु प्रसुती गराउन जिल्ला अस्पताल मान्म जानुपर्नेमा अब त्यो समस्याको अन्त्य भएको उहाँको भनाइ छ ।
गाउँ घरमै प्रसुती गराउन महिलाकालागि सहज भएको बर्थिङ सेन्टरले वडा न. ०४ को आधारभुत स्वास्थ्य सेवा केन्द्र चिउरेलाबाट सौभाग्य बस आजै एउटा सुत्केरी गराई बर्थिङ सेन्टर सन्चालनमा आएकोले खुशी व्यक्त गर्दै बिगतका दिनहरुमा यस वडाका स्थानीय महिला आमा, दिदिबहिनीहरुले सुत्केरी हुनको लागि विभिन्न समस्याहरु झेल्नु परेको थियो । आगामिका दिनहरुमा बिगतको जस्तो समस्याहरु झेल्नु नपर्ने समाजसेवी स्थानीय युवा मनोज बि .क ले बताउनुभयो ।
यसअघि सामान्य सेवा प्रवाह हुँदै आएकोमा मंगलबारबाट प्रसुती सेवा सुचारु भएको हो । सेवा सुचारु भएसँगै करिब २ सय देखि ३ सय घरधुरी लाभान्वीत हुने समाजसेवी बि .क ले बताउनुभयो । केन्द्रमा दैनिक १० देखि ३० जनाको हाराहारीमा मानिस स्वास्थ्य सेवा लिन आउने गरेका छन् ।
साथै यस स्वास्थ्य सेवा केन्द्रमा बर्थिङ सेन्टर सन्चालन गर्नका लागि आ-आफ्नो ठाँउबाट सहयोग गर्नुहुने जिल्ला स्वास्थ्य सेवा कार्यलय कालिकोट , खाडाचक्र नगरपालिका,स्वास्थ्य शाखा , वडाकार्यलय र बिशेष गरि औजार तथा उपकरणहरुको सहयोग गर्ने आई.एन.एफ नेपाल कालिकोटलाई धेरै धेरै धन्यावाद व्यक्त गर्नुभयो ।
