सोलुखुम्बु । लिखुपिके गाउँपालिकाको कार्यालय भएको भवन घरमा आगलागी भएको छ।सोलुखुम्बु लिखुपिके गाउँपालिका–३ काफ्लेचौरस्थित कार्यालय भवनमा आज दिउँसो आगलागी भएको हो ।
जिल्ला प्रहरी कार्यालय सोलुखुम्बुका प्रहरी नायब उपरीक्षक द्वारिकाप्रसाद घिमिरेका अनुसार बिजुलीको तार चुहिएर आगलागी हुँदा दुईतले घर जलेर नष्ट भएको बताउनुभयो। सो घर स्थानीय रुद्रबहादुर खत्रीको ढुङ्गा, माटो र टिनको छानो भएको र गाउँपालिकाको प्राविधिक शाखा, स्टोर र प्रधानमन्त्री रोजगार शाखा रहेको बताउनुभयो ।
प्रहरी चौकी चौलाखर्कबाट प्रहरी निरीक्षकको कमाण्डमा खटिएको टोली र स्थानीयवासीको सहयोगमा आगो निभाउन सफल भएको घिमिरेले बताउनुभयो। आगलागीबाट कुनै पनि मानवीय क्षति नभएको र गाउँपालिकाको सरकारी दस्तावेज भने जलेर नष्ट भएको घिमिरेले बताउनुभयो।
