हुम्ला । हुम्लामा ट्याक्टर दुर्घटना हुँदा दुई जना घाइते भएका छन । सिमकोट गाउँपालिका–२ को ठेहे गाउँ नजिक पैरापोरी भन्ने स्थानमा विहान साढे दश बजे ट्याक्टर दुर्घटना हुँदा दुई जना घाइते भएका हुन ।
सदरमुकाम सिमकोट देखि चामल लिएर गएको कर्णाली प्रदेश ०२००१ त ०३५२ नम्बरको ट्याक्टर ट्रनिङ्ग नपुगेर चिप्लीएर सडक भन्दा पचाँस मिटर भन्दा तल खसेको छ ।
ट्याक्टर दुर्घटना हुँदा चालक सिमकोट गाउँपालिका–६ माथिल्लो गाउँका २७ वर्षिय धनबहादुर सुनार उहाँका सहयोगी (सहचाल) सिमकोट गाउँपालिका–२ ठेहे गाउँका प्रिती सुनार घाइते भएको जिल्ला प्रहरी कार्यालय हुम्लाका प्रहरी निरिक्षक नरेन्द्र चन्दले बताउनुभयो ।
