दाङ । सुर्खेतबाट काठमाडौँका लागि छुटेको बस दाङको बबई घुम्तीमा दुर्घटना भएको छ ।
दुर्घटना बस कर्णाली प्रदेश ०२-००१ ख ०७०१ नम्बरको बबई गाउँपालिका-२ तल्लो ट्वाङ्खोलामा मंगलबार साँझ दुर्घटनामा परेको हो ।
दुर्घटनापछि घटनास्थलमा पुगेर प्रहरीले यात्रुहरूको उद्दार गर्न थालेको छ । अहिलेसम्म ७ जना घाइते यात्रुलाई उपचारको लागि तुलसीपुर प्रादेशिक अस्पताल लगिएको छ ।
खिलतपुरका प्रहरी निरीक्षक खिमबहादुर खड्काका अनुसार इलाका प्रहरी कार्यालय खिलतपुर र हापुरको प्रहरी टोली घटनास्थलमा खटिएको बताउनुभयो । घटनाको थप विवरण आउन बाँकी छ ।
