जनतालाई सूचना दिने विषयमा प्रशासनिक संयन्त्र भाग्न मिल्दैन ; मुख्यमन्त्री कँडेल

  ।   २६ पुष २०८१, शुक्रबार १७:५२

सुर्खेत । कर्णाली प्रदेशका मुख्यमन्त्री यामलाल कँडेलले जनतालाई सूचना दिने विषयबाट प्रशासनिक संयन्त्र भाग्ने अवस्था नरहेको बताएका छन् । आज सुर्खेतमा आन्तरिक मामिला तथा कानून मन्त्रालयले आयोजना गरेको प्रदेश मन्त्रालय र स्थानीय तहका प्रवक्ता तथा सूचना अधिकारीहरूबीचको अन्तरक्रिया कार्यक्रमलाई सम्बोधन गर्दै मुख्यमन्त्री कँडेलले यस्तो बताएका हुन् ।

’जनतालाई सूचना दिने कुराबाट प्रशासनिक संयन्त्र भाग्ने अवस्थाको अन्त हुनुपर्छ,’ उनले भने सरकारले गरेका काम जति धेरै जनताका माझ पु¥याउन सक्यो त्यति नै गलत प्रवृत्तिको अन्य हुने उनको भनाइ छ । प्रदेश सरकार सुशासन र पारदर्शिता कायम गर्न र भ्रष्टाचारको अन्त्य गरेर समाजमा देखिएका विकृति र विसङ्गतिको अन्त्य गर्ने काममा लागेको उनले बताए ।

सरकारले गरेका राम्रा कामको सहीरूपमा प्रचार नहुँदा जनताले केही नगरेको जस्तो बुझ्ने गरेको उनको भनाइ छ । सही सूचना दिँदा कहाँ, कसले, के कमजोरी गरेको छ भनेर जनताले थाहा पाउने हुँदा कमजोरी गर्नेहरू समयमै सच्चिनुपर्ने बताए ।

कार्यक्रममा सहभागी प्रदेश सरकार र स्थानीय तहका प्रवक्ता तथा सूचना अधिकारीहरूलाई सत्य सूचना नागरिकलाई दिनसमेत मुख्यमन्त्री कँडेलले निर्देशन दिए ।

Next Post

रुकुम पश्चिमको फुतफुते नजिकै जिप दुर्घटना

२६ पुष २०८१, शुक्रबार १७:५२
रुकुम पश्चिम। रुकुम पश्चिमको त्रिवेणी गाउँपालिका फुतफुते नजिकै जिप दुर्घटना भएको छ । सदरमुकाम खलंगाबाट बाँदरपानी जाँदै गरेको जिप आज साँझ गाउँपालिकाको वडा नम्बर २ फुतफुतेमा दुर्घटनामा परेको हो । जिप सडकबाट अन्दाजी २० मिटर तल खसेको स्थानीय जिल्ला प्रहरी कार्यालयले जनाएको छ । प्रहरीको अनुसार घाइतेहरुको उद्दार भइरहेको छ […]