जुम्ला । दलित सेवा संघ जुम्ला शाखाद्वारा आयोजना र जिल्लाका केही युवाहरूको समन्वयमा भईरहेको जिल्ला व्यापी रुपमा खुला दलित पुरुष फूटबल प्रतियोगिताको आज पाचौं दिनमा सेमिफाइनल खेल सञ्चालन टुडिखेल खेल मैदानमा भइरहेको छ ।
सेमिफाइनल खेल आज बिहान देउती कैलाश युवा क्लब कुडारी र लायन युवा क्लब भण्डारीबाडा बीच भएको थियो । जसमा लायन युवा क्लबलाई देउता कैलाश युवा क्लबले एक गोलले पराजित गरेर फाइनल खेलको लागि छनोट भएको हो ।
त्यस्तै सेमिफाइनलकै अर्को खेल टुडिखेल खेल मैदानमा भईरहेको छ । जसमा हालसम्म भएको खेलमा समाज चेतना युवा क्लब हिँयाखोलाले रोयल युवा क्लब छिनालाई एक गोल हानेर फाइनलको लागि छनोट भएको छ ।
भोलि समाज चेतना युवा क्लब हिँयाखोला र देउती कैलाश युवा क्लब कुडारी बीच फाइनलको लागि प्रतिस्पर्धा हुनेछ । साथै जिल्ला व्यापी रुपमा पहिलोपटक भएको दलित युवा लक्षित फुटबल प्रतियोगिताको भोलि समापन हुनेछ ।
