सुर्खेत /- वीरेन्द्रनगर सुर्खेतमा घरको छतबाट खसेर एक जनाको मृत्यु भएको छ । विरेन्द्रनगर – ६ बजारको गोदामलाईनमा रहेको नौलो होटलको छतबाट खसेर दिप चन्दको मृत्यु भएको सुर्खेत प्रहरीले जनाएको छ ।
५१ वर्षीय चन्द गएराती छतबाट खसेको जिल्ला प्रहरी कार्यालय सुर्खेतका प्रवक्ता लक्ष्मण शाहीले जानकारी दिए । तलाबाट दुई घरको विचमा खाली रहेको ठाउँमा खसेको अवस्थामा शव भेटिएको हो । उनी विहान मृत अवस्थामा भेटिएका थिए ।
चन्द दैलेख नौमुले गाउँपालिका- ८ चौराठाका हुन् । उनी पूर्व ओभरसियर र शिक्षक हुन् । चन्दको शव पोष्टमार्टमका लागि प्रदेश अस्पतालमा राखिएको छ ।घटनाबारे थप अनुसन्धान भईरहेको प्रहरीले जनाएको छ ।
